Hagnaður af sölu þeirra telst vera mismunur á söluverði annars
vegar og stofnverði þeirra að frádregnum áður fengnum
fyrningum hins vegar. Söluverð eigna er heildarandvirði þeirra að
frádregnum beinum kostnaði við söluna. Stofnverð eigna telst
kaup- eða framleiðsluverð þeirra ásamt kostnaði sem á eignirnar
fellur en að frádregnum afsláttum, skaðabótum og eftirgjöfum
skulda. Á móti skattskyldum hagnaði vegna sölu þessara eigna
er heimilt að fyrna aðrar fyrnanlegar eignir um fjárhæð sem
nemur hinum skattskylda hagnaði. Eigi skattaðili ekki eignir, sem
hann getur fyrnt á þennan hátt getur hann frestað skattlagningu
á söluhagnaði um tvenn áramót, enda afli hann sér eigna sem
hann getur fyrnt innan þess tíma. Ef eigna er ekki aflað innan
tilskilins tíma tekjufærist söluhagnaðurinn á öðru ári frá því hann
myndaðist að viðbættu 10% álagi. Fyrning eða frestun söluhagnaðar kemur því aðeins til greina að yfirfæranleg rekstrartöp hafi
verið jöfnuð.
Menu